कोरोनाभाइरसको संक्रमणबाट जोगिन भन्दै मिसावटयुक्त रक्सी पिउँदा ३६ जनाको मृत्यु
इरानमा कोरोना भाइरसको संक्रमणबाट जोगिन भन्दै मिसावट भएको रक्सी पिउँदा ३६ जनाको मृत्यु भएको छ ।
इरानको सरकारी समाचार संस्था आइआरएनएका अनुसार देशको दक्षिण पश्चिममा पर्ने खुजिस्तान प्रान्तको अभाज शहरमा यो दुखद घटना भएको हो ।
कोरोना भाइरसबाट बचाउँछ भन्ने हल्लाकाबीच स्थानीय बासिन्दाहरुले उक्त रक्सी पिएको समाचारमा उल्लेख छ ।
यसरी रक्सी पिउँने मध्ये २७० जना उपचारका लागि अस्पतालमा भर्ना भएका छन्।
मिसावटयुक्त रक्सी बेचेको आरोपमा सात जनालाई पक्राउ गरिएको सरकारी अधिकारीहरुले बताएका छन् ।श्रोत देश सञ्चार
