अमेरिकामा कोरोना भाइरसको संक्रमणबाट एकै दिन चार जनाको मृत्यु
वासिंटन । अमेरिकाको वासिंटन राज्यमा कोरोना भाइरसको संक्रमणबाट एकै दिन चार जनाको मृत्यु भएको छ।
यससँगै अमेरिकाका कोरोना भाइरसको संक्रमणबाट ज्यान गुमाउनेको संख्या संख्या ६ पुगेको छ। अमेरिकाको एक सय दुई जनामा कोरोना संक्रमण देखिएको छ। त्यहाँका ११ राज्यमा कोरोना संक्रमित बिरामी भेटिएका छन्।
कोरोना भाइरसको संक्रमणबाट ज्यान गुमाएका पहिलो दुई व्यक्तिको अध्ययन गरेका अनुसन्धानकर्ताहरूले त्यहाँ केही साता अगाडिदेखि सो भाइरस फैलिएको आशंका गरेका छन्। उनीहरूले करिब १५ सय मानिसहरूलाई संक्रमण भएको हुनसक्ने अनुमान लगाएका छन्।
कोरोना भाइरस संक्रमण फैलन थालेपछि सोमबार वासिंटनका विद्यालय बन्द गरिएका छन्।
