अध्यक्ष प्रचण्डमाथि जुत्ता प्रहार, एक जना पक्राउ

निरन्तर न्यूज
१८ फाल्गुन २०७६, आईतवार १६:३३

काठमाडौं । नेपाल कम्युनिस्ट पार्टीका अध्यक्ष पुष्पकमल दाहाल प्रचण्डमाथि जुत्ता प्रहार भएको छ ।

तत्कालीन नेकपा एमाले नेता तथा पूर्वअर्थमन्त्री भरतमोहन अधिकारीको प्रथम स्मृति सभामा आइतबार प्रचण्डमाथि जुत्ता प्रहार भएको हो ।

जुत्ता प्रहार गर्ने एकजनालाई प्रहरीले नियन्त्रणमा लिएको महानगरी प्रहरी परिसरका प्रमुख प्रहरी वरिष्ठ उपरीक्षक (एसएसपी) उत्तमराज सुवेदीले पुष्टि गरेका छन् ।

उनले जुत्ता हान्‍नेको अहिले नाम आइनसकेको जानकारी दिए ।

राष्ट्रिय सभागृहमा आयोजित कार्यक्रममा प्रचण्डलाई लक्षित गरेर जुत्ता प्रहार गरिएको थियो ।

तर जुत्ताले प्रचण्डलाई भने नलागेको प्रहरीले जनाएको छ । जुत्ता प्रहार गर्ने एक व्यक्तिलाई प्रहरीले पक्राउ गरिसकेको छ ।

यसअघि प्रचण्डलाई भृकुटीमण्डपका आयोजित तत्कालीन माओवादीको चियापान समारोहमा एकजनाले माला लगाउने क्रममा थप्पड हानेका थिए । श्रोत १२खरी

यसमा तपाइको मत

Your email address will not be published. Required fields are marked *


*