नेपाल प्रहरीको २७ औं महानिरीक्षकमा ठाकुर ज्ञवाली नियुक्त
काठमाडौं । मन्त्रिपरिषदको आज बसेको बैठकले नेपाल प्रहरीको महानिरीक्षकमा ठाकुर ज्ञवालीलाई नियुक्त गरेकाे छ ।
ज्ञवालीलाई प्रहरीको २७ औं महानिरीक्षकमा नियुक्त गर्ने निर्णय गरेको हो।
आईजीपीको दौडमा रहेका डीआईजीद्वय तारिणीप्रसाद लम्साल र सूर्यप्रसाद उपाध्यायलाई ज्ञवालीले पछि पारेका हुन्।
यस अघि उनी प्रदेश नम्वर १ को प्रहरी प्रमुख रहेका थिए। वर्तमान आइजीपी सर्वेन्द्र खनालले ३० वर्षे सेवा अवधिका कारण मंगलबार अवकास पाएका छन्।
३० वर्षे सेवा अवधिका कारण ज्ञवालीले ५ महिना प्रहरीको नेतृत्व सम्हाल्ने छन्। उनी २०४७ मा प्रहरी सेवामा प्रवेश गरेका थिए।
