प्रहरी निरीक्षक भण्डारी प्रदेशको उत्कृष्ट प्रहरी घोषित
हेटौंडा । वडा प्रहरी कार्यालय हेटौंडामा कार्यरत प्रहरी निरीक्षक इश्वरी प्रसाद भण्डारी उत्कृष्ट प्रहरी घोषित भएका छन् ।
बागमती प्रदेश प्रहरी कार्यालय हेटौंडाले घोषणा गरेको माघ महिनाको उत्कृष्ट प्रहरीमा निरीक्षक भण्डारी रहेका छन। भण्डारीेले माघ १६ गते २ राउन्ड गोली प्रहार गरी गाँजा तस्कर पक्राउ गरेको र लागूऔषध कारोबार र ओसारपसार नियन्त्रणमा उत्कृष्ट कामगरेका थिए ।
त्यस्तै आम जनताको गुनासोलाई प्रभावकारी ढङ्गबाट समाधान गर्न सफल रहेको भन्दै बागमती प्रदेश प्रहरी कार्यालय हेटौंडाले प्रहरी निरीक्षक भण्डारीलाई माघ महिनाको प्रदेशभरिबाट उत्कृष्ट प्रहरी घोषणा गरी प्रमाणपत्रले सम्मान गरेको हो ।
प्रदेश प्रहरी कार्यालयका प्रमुख प्रहरी नायव महानिरीक्षक शेरबहादुर बस्नेतद्वारा जारी पत्रमा उत्कृष्ट कार्य बापत उत्कृष्ट प्रहरी घोषणा गरिएको जनाइएको छ ।
निरीक्षक भण्डारीले माघ ४ गते हेटौंडा ५ क्याम्पाडाँडा नजिक हत्या गरेर फालेको अवस्थामा भेटिएकी तेस्रो लिङ्गी अजिता भुजेलको हत्यारा पत्ता लगाउन सफल भएक थिए।
