त्रिभुवन विमानस्थलमा जेब्रा झोलाभित्रै शिशुको शव भेटिएपछि…
काठमाडौं । त्रिभुवन विमानस्थलमा जेब्रा झोलाभित्र शिशुको शव फेला परेको छ । विमानस्थलको गोल्डेन गेट नजिकको झाडीमा जेब्रा झोलाभित्र हालेर फालिएको शिशुको शव भेटिएको हो ।
भर्खरै जन्मिएकी बालिका शिशुको शव कसले फालेको भन्ने नखुलेको महानगरीय प्रहरी परिसर काठमाडौंका डिएसपी होबिन्द्र बोगटीले जानकारी दिनुभयो ।
शव पोष्टमार्टमका लागि त्रिवि शिक्षण अस्पताल महाराजगञ्ज पठाउने तयारी गरिएको छ । घटना बारे थप अनुसन्धान भइरहेको प्रहरीले जनाएको छ ।
