स्कारपियो गाडीको ठक्करबाट साइकलयात्रीको मृत्यु
नेपालगञ्ज । बाँकेमा स्कारपियो गाडीको ठक्करबाट साइकलयात्रीको मृत्यु भएको छ । कोहलपुरको न्यू सिटी अगाडि बा १५ च ७४६१ नम्बरको स्कारपियोले ठक्कर दिंदा साइकलयात्रीको मृत्यु भएको हो ।
मृतकको सनाखत हुन सकेको छैन । घटना गएराती १० बजेको हो । पश्चिमबाट पूर्वतिर आइरहेको स्कारपियोले साइकलयात्रीलाई ठक्कर दिएको थियो ।
स्कारपियो गाडीको ठक्करबाट गम्भीर घाइते भएका साइकलयात्रीको उपचारको क्रममा मेडिकल कलेज कोहलपुरमा मृत्यु भएको थियो । मृतकको शव अहिले पनि मेडिकल कलेजमा रहेको छ ।
साइकलयात्रीलाई ठक्कर दिने स्कारपियो र चालकलाई प्रहरीले नियन्त्रणमा लिएको छ ।
