अमेरिकामा भिषण आगलागी, ३५ डुंगा जले, आठको मृत्यु
अमेरिका । अमेरिकाको स्कट्सबोरोस्थित बन्दरगाहमा भीषण आगलागी हुँदा कम्तीमा आठ जनाको मृत्यु भएको छ भने सात जना घाइते भएका छन्।
अन्तर्राष्ट्रिय समाचार माध्यमका अनुसार ज्याक्सन काउन्टी पार्कमा मानिस सुतिरहेको बेला आगो फैलिएको थियो।
आगलागी भएपछि केहीले पानीमा हाम फालेर ज्यान बचाएका थिए।
यस्तै, आगलागीका कारण ३५ भन्दा बढी डुंगा जलेर ध्वस्त भएको अन्तर्राष्ट्रिय सञ्चार माध्यमले जनाएका छन्।
आगलागीको कारण भने खुल्न सकेको छैन।
