उपसभामुख तुम्बाहाङफेले दिइन् राजीनामा
काठमाडौं । उपसभामुख शिवमाया तुम्बाहाङफेले राजीनामा दिएको घोषणा गरेकी छन् ।
सोमबार प्रतिनिधिसभा बैठकलाई सम्बोधन गर्दै तुम्बाहाङफेले राजीनामा दिएको घोषणा गरेकी हुन् ।
राजीनामा घोषणासँगै तुम्बाहाङफेले समृद्ध समाज निर्माण गर्ने अभिायनमा आफू भिन्न रुपमा अविचलित भएर क्रियाशील भइरहने बताइन् ।
दुई वर्ष गरिमामय अङ्गको नेतृत्व गर्न पाउनु महत्वपूर्ण अवसर भएको भन्दै उनले प्रतिनिधिसभा सदस्य र संसद सचिवालयलाई धन्यवाद व्यक्त गरिन् ।
नेकपाका अध्यक्षद्वय केपी शर्मा ओली र पुष्पकमल दाहाल प्रचण्डले आइतबार सभामुखको उम्मेदवारको टुङ्गो लगाएपछि तुम्बाहाङफेले सोमबार राजीनामा दिएकी हुन् ।
यसअघि तुम्बाहाङफेले आफू नै सभामुख हुनुपर्ने भन्दै अडान लिएकी थिइन् ।श्रोत अनलाइनखबर
