आजबाट फेरि वर्षा र हिमपात, यस्तो हुनेछ तीन दिनको मौसम
काठमाडौं । पश्चिमी वायुको प्रभावका कारण फेरि देशभरको मौसम बद्लिएको छ ।
आजबाट देशका विभिन्न ठाउँमा पानी पर्नुका साथै मध्य र पश्चिमको उच्च पहाडी तथा हिमाली क्षेत्रमा हिमपात हुने मौसम पूर्वानुमान महाशाखाले जनाएको छ ।
बुधबार राति पश्चिमबाट नेपाल प्रवेश गरेको पश्चिमी वायुको असरले काठमाडौंसहित देशका विभिन्न ठाउँमा पानी र हिउँ पर्ने मौसमविद् प्रतिभा मानन्धरले जानकारी दिइन् । उनका अनुसार यो प्रणाली अहिले मध्य क्षेत्रमा फैलिइ सकेको छ भने विस्तारै पूर्वतर्फ सर्ने क्रममा रहेको छ ।
यो प्रणालीले बेलुकीसम्ममा पूर्वमा पनि पानी र हिउँ पार्ने उनले जानकारी दिइन् । आज र भोलि (शुक्रबार)को मौसम यस्तै रहेपनि पनि शनिबारबाट भने मौसम खुल्ने मौसम पूर्वानुमान महाशाखाले जनाएको छ ।
यस्तो हुनेछ तीन दिनको मौसम
माघ २ गते (बिहिबार)
दिउँसोस् देशको मध्य तथा पश्चिमी भू-भाग लगायत पुर्वी पहाडी भू्भा-गमा सामान्य बदली रही बाँकि भू्भा-गमा आंशिक बदली रहनेछ।
मध्य तथा पश्चिमी भू-भागका केही स्थानहरुमा हल्का देखि मध्यम वर्षा हुने देखिन्छ भने पश्चिमी तथा मध्यका उच्च पहाडीरहिमाली भेगका केही स्थानहरुमा हल्कादेखि मध्यम हिमपातको सम्भावना रहेको छ ।
रातिः देशको मध्य तथा पश्चिमी भू-भागमा सामान्य देखि पुर्ण बदली रही पुर्वी भू-भागमा आंशिक देखि सामान्य बदली रहनेछ। मध्य तथा पश्चिमका केही स्थानहरुमा हल्का देखि मध्यम वर्षा हुने देखिन्छ भने पुर्वी पहाडी भू-भागका थोरै स्थानहरुमा हल्का वर्षाको सम्भावना रहेको छ ।
मध्य तथा पश्चिमी उच्च पहाडी तथा हिमाली भेगका केही स्थानहरुमा भारी हिमपातको सम्भावना रहेको छ भने पुर्वका उच्च पहाडी तथा हिमाली भेगमा हल्का देखि मध्यम हिमपातको सम्भावना रहेको छ।
माघ ३ गते (शुक्रबार)
दिउँसोस् देशको मध्य तथा पुर्वी भू-भागमा सामान्यदेखि पुर्ण बदली रहनेछ साथै पश्चिमी भू-भागमा आंशिक देखि सामान्य बदली रहनेछ। देशका केही स्थानहरुमा हल्का देखि मध्यम वर्षाको संभावना रहेको छ।
मध्य तथा पुर्वी उच्च पहाडी तथा हिमाली भेगका केही स्थानहरुमा भारी हिमपातको सम्भावना रहेको छ भने पश्चिमी उच्च पहाडी तथा हिमाली भेगका थोरै स्थानहरुमा हल्का देखि मध्यम हिमपातको सम्भावना रहेको छ ।
रातिः देशभर आंशिक देखि सामान्य बदली रहनेछ। देशका थोरै स्थानहरुमा हल्का बर्षा हुने देखिन्छ भने उच्च पहाडी तथा हिमाली भेगका थोरै स्थानहरुमा हल्का हिमपातको संभाबना रहिको छ।
माघ ४ गते (शनिबार)
दिउँसोस् देशको पश्चिमी भू्-भागमा सामान्य बदली रहि बाँकि भू्-भागमा आंशिक बदली रहनेछ। पश्चिमी भू-भागका थोरै स्थानहरुमा हल्का वर्षा हुने देखीन्छ भने पश्चिमी उच्च पहाडी तथा हिमाली भेगका केहि स्थानहरुमा हल्कादेखि मध्यम हिमपातको सम्भावना रहेको छ ।
रातिस् देशभर आंशिक बदली भई देशका एक दुई स्थानमा हल्का बर्षा हुन सक्ने संभावना रहेको छ।श्रोत नेपाल समय
