अमेरिकामा आँधीका कारण कम्तिमा ८ जनाको मृत्यु
वाशिङटन । दक्षिणी अमेरिकामा आँधीका कारण कम्तिमा ८ जनाको मृत्यु भएको छ । सो आँधीका क्रममा वर्षा र तीब्र गतिमा हावा चलेको थियो । मृत्युका घटना अलाबामा, लुजियाना र टेक्सास क्षेत्रमा भएका छन् ।
हजारौं मानिसहरु बत्ती नभएर प्रभावित भएका छन् । साथै घरहरु भत्किएका छन् र सडकमा बाढी पसेको छ ।
केही टोर्नाडो आँधीको चेतावनी समेत शनिबार दिइएको थियो । त्यसमा अलाबामामा बढी खतरा भएको जनाइएको छ । एक व्यक्ति घरमा रुख ढल्दा मारिएका छन् । रुख धेरै तिर ढलेको पाइएको छ । मिसौरी, ओक्लाहोमा र अर्कान्सास लगायतका क्षेत्रमा पनि सम्पतिको ठूलो क्षति भएको जनाइएको छ । (बीबीसी)
