अमेरिकी सेनाको क्याम्पमा इरानले हमला गरेपछि के भने ट्रम्पले ?
इराकमा रहेको अमेरिकी सैनिकहरुको क्याम्पमा इरानले आक्रमण गरेपछि अमेरिकी राष्ट्रपति डोनाल्ड ट्रम्पले यसको जवाफ भोलि दिने बताएका छन् ।
मंगलबार राति (नेपाली समय बुधबार बिहान) ट्विट गर्दै ट्रम्पले आफूहरुसँग विश्वकै शक्तिशाली र स्रोत साधन सम्पन्न सेना रहेको भन्दै यसको जवाफ भोलि दिने चेतावनी दिएका हुन् ।
उनले ट्विटरमा लेखेका छन्– ‘सबै ठिक छ, इरानबाट इराकमा रहेका दुई अमेरिकी सैन्य आधार शिविरमा मिसाइल प्रहार भयो । हताहती र क्षतिको आँकलन भइरहेको छ । हामीसँग विश्वकै शक्तिशाली र स्रोत साधन सम्पन्न सेना छन् । यसबारे थप वक्तव्य भोली बिहान दिनेछु’।
उनले ट्विटमार्फत आफू चुप लागेर नबस्ने संकेत गरेका छन् । इरानलाई यसको जवाफ चाडै दिने उनको आशय छ ।
इरानले इराकको इर्बील र अल–असद सहरमा रहेका अमेरिकी सैन्य आधारशिविरलाई निशाना बनाएर बुधबार बिहान दर्जनौं क्षेप्यास्त्र प्रहार गरेको थियो ।
इराकको इन् अल आसादस्थित अमेरिकी गठबन्धन सेनाको बेस क्याम्पमा १३ रकेट प्रहार गरिएको अन्तर्राष्ट्रिय सञ्चारमाध्यमले जनाएका छन् ।
गत साता अमेरिकी आक्रमणमा इरानी कमाण्डर कासिम सुलेमानी मारिएपछि इरानले बदला लिने धम्की दिँदै आएको थियो ।श्रोत नेपाल समय
