शिवम सिमेन्ट उद्योगमा कार्यरत चाैलागाईकाे मृत्यु
हेटौंडा। हेटौंडा १६ हटियामा रहेको शिवम सिमेन्ट उद्योगमा कार्यरत एक जना मजदुरको मृत्यु भएको छ।
उद्योगमा रहेको रोलर प्रेसमा परेर उद्योगका मजदुरको मृत्यू भएको प्रहरीले बताएको छ ।
उद्योगमा कार्यरत मजदुर कैलालि जिल्ला मशुरीया गाउँपालिका ५ बस्ने ३५ वर्षीय राजन प्रसाद चौलागाईको उपचारको क्रममा हेटौँडा अस्पतालमा मृत्यु भएको जिल्ला प्रहरी कार्यालय मकवानपुरले बताएको छ ।
अहिले भर्खर प्रहरी निरीक्षक अमर प्रसाद गजमेरको टोली घटनास्थलमा पुगेको र थप अनुसन्धान हुँदै गरेकाे बताइएको छ ।