धर्मगुरुको घरमा पसेर अन्धाधुन्ध चक्कु प्रहार, ५ जना घाइते
न्युयोर्क । संयुक्त राज्य अमेरिकाको न्युयोर्क मोन्सेको एक घरमा भएको चक्कु प्रहारमा पाँच जना घाइते भएका छन् ।
शनिबार राति यहुदी धर्मालम्बीको प्रार्थनाघर नजिकै ‘हासिडिक रब्बी’ जातका मानिस बस्ने घरमा चक्कु प्रहार भएको थियो । आक्रमणकारी चक्कु हानेर भागेका थिए । यहुदीको हनुक्का पर्व मनाउन दर्जनौं मानिस घरमा भेला भएका थिए।
एक जना घाइतेले आक्रमणकारीले छ पटकसम्म चक्कु घोपेको न्युयोर्क टाइम्ससँग बताएक छन् । गम्भीर अवस्थामा रहेका उनीहरूलाई नजिककैको अस्पतालमा लगिएको छ ।
चक्कु प्रहार गर्ने आक्रमणकारी कार चढेर भागेका थिए । उनको कार नम्बर स्थानीयले टिपेकाले प्रहरीले अभियुक्त समातेको छ । अमेरिकामा यहुदीमाथि पटक–पटक आक्रमण हुँदै आएको छ । यसअघि पनि न्युजर्सीमा ६ जना यहुदीलाई गोली हानी मारिएको थियो । एजेन्सी
