घोडाले हान्दा एक बालकको मृत्यु
सल्यान। सल्यानमा घोडाले हान्दा एक बालकको मृत्यु भएको छ ।
मृत्यु हुनेमा सल्यानको वनगाड कुपिण्डे नगरपालिका १ का प्रकाश बुढाका ८ वर्षीय छोरा राजु बुढा रहेका छन् ।
शुक्रबार बेलुका छिमेकीको गोठमा खेल्दै गरेका राजुलाई घोडाले हानेको थियो । घोडाले हानेर घाईते भएका उनको सुर्खेतको मेहलकुना अस्पतालमा उपचारको क्रममा मृत्यु भएको हो ।
मृतकलाई पोष्टमार्टमको लागि जिल्ला अस्पताल सल्यानमा ल्याइएको जिल्ला प्रहरी कार्यालय सल्यानले जनाएको छ ।
