मकवानपुरको ओखरेडाँडामा सुमो दुर्घटना हुँदा ३ जनाको मृत्यु
हेटौंडा। मकवानपुरको ईन्द्रसरोवर गाउँपालिका वडा नम्बर ३ ओखरेडाँडामा सुमो दुर्घटना हुँदा ३ जनाको मृत्यु भएको छ मकवानपुर प्रहरीले जनाएकाे छ । सोही दुर्घटनामा परि ५ जना गम्भिर घाईते भएकाे प्रहरीले जनाएकाे छ ।
चन्द्रपुरबाट काठमाडौं जादै गरेको ना १ ज ३४३३ नम्बरको शिखरापुर सुमो ओखरेमा दुर्घटना भएको जिल्ला प्रहरी कार्यालय मकवानपुरका प्रवक्ता प्रहरी निरीक्षक ललन कुमार कुर्मीले जानकारी दिनुभयाे ।
मुत्यु हुने तिन जनाको पहिचान हुन बाँकी रहेको छ भने घाईतेहुनेहरुलाई उपचारको लागि काठमाडौंतर्फ पठाइएको प्रवक्ता कुर्मीले जानकारी दिनुभयाे । घटना के कसरी भएकाे भन्ने बारेमा अनुसन्धान भैरहेकाे कुर्मीले बताउनुभयाे । घटनामा मृत्यु भएकाहरुको सनाखत भैनसकेको प्रहरीले जनाएको छ ।