तिन खेल जित्दै मनाङ शीर्ष स्थानमा

काठमाडौं । सहिद स्मारक ए डिभिजन लिगमा साविकको विजेता टोली मनाङ मस्र्याङ्दीले लगातार तेस्रो जित निकालेको छ । बिहीबार भएको खेलमा मनाङले ब्रिगेड ब्वाइजलाई १–० गोल अन्तरले पराजित गरेको हो । मनाङले यसअघि भएको पहिलो खेलमा एपीएफलाई २–० र त्रिभुवन आर्मी क्लबलाई १–० गोल अन्तरले पराजित गरेको थियो ।

एन्फा कम्पेलेक्समा भएको खेमला मनाङलाई जित दिलाउन खेलको २५ औँ मिनेटमा जगजित श्रेष्ठले निर्णायक गोल गरे । जितसँगै मनाङले तीन खेलमा तीनवटै जित निकाल्दै ९ अंकका साथ शीर्ष स्थानमा उक्लिएको छ । पराजित ब्रिगेडको तीन अंक छ ।