आज पनि बढ्यो सुनचाँदीको मूल्य, तोलाको कसरी ?
काठमाडौं । अघिल्लो साता घटेको सुनचाँदीको मूल्य यो साता बढ्ने क्रममा रहेको छ ।
नेपाली बजारमा सोमबारको तुलनामा मंगलबार सुन तोलामा ३ सय र चाँदी १५ रुपैयाँले बढेको हो ।
नेपाल सुनचाँदी व्यवसायी महासंघका अनुसार सोमबार ७१ हजार ९ सयमा कारोबार भएको छापावाला सुन मंगलबार ७२ हजार २ सय पुगेको छ ।
यस्तै, तेजावी सुन प्रतितोला ७१ हजार ९ सयमा कारोबार भइरहेको छ भने चाँदी प्रतितोला ८ सय ७५ रुपैयाँमा कारोबार भइरहेको महासंघले जनाएको छ ।