सुकेधारामा बसको ठक्करबाट २१ वर्षीया सृष्टि पन्तको मृत्यु
काठमाडौँ । बसको ठक्करबाट काठमाडौँको सुकेधारामा एक युवतीको मृत्यु भएको छ । भक्तपुर–काठमाडौँ चल्ने बा ४ ख ५९२० नम्बरको बसको ठक्करबाट पशुपति क्याम्पस चाबहिलमा स्नातक चौथो वर्षमा अध्ययनरत २१ वर्षीया सृष्टि पन्तको मृत्यु भएको महानगरीय प्रहरी वृत्त गौशालाका डीएसपी प्रदीप सिंहले जानकारी दिए ।
सहपाठीको मृत्यु भएपछि आक्रोशित विद्यार्थीले ठक्कर दिने बसमा आगजनी गरेका छन् । आगजनीका कारण बस क्षतिग्रस्त बनेको छ । आगजनीको आरोपमा केही विद्यार्थीहरु पक्राउ परेका छन् ।
विद्यार्थीको प्रदर्शनका कारण प्रभावित बनेको सो क्षेत्रको सडकखण्ड सुचारुको प्रयास भइरहेको प्रहरीले जनाएको छ।