हात्तीको आक्रमणबाट दुईको मृत्यु
काठमाडौं । जंगली हात्तीको आक्रमणबाट कञ्चनपुरमा बुधबार बिहान दुई जनाको मृत्यु भएको छ भने अन्य चारजना घाइते भएका छन्।
घाँस दाउरा लिन महाकाली नगरपालिका–२ मा रहेको मायापुरी सामुदायिक वनमा गएको बेला हात्तीले आक्रमण गर्दा ३८ वर्षीया वसन्ती भट्ट र ५० वर्षीया भुरी बोहराको ज्यान गएको प्रहरीले जनाएको छ।
जिल्ला प्रहरी कार्यालय कञ्चनपुरका प्रहरी नायव उपरीक्षक नरेन्द्र चन्दका अनुसार घाइेतहरुमा सरिता ओझा, सुनिता बिष्ट, ललिता बोहरा र उमा साउँद छन्। घाइतेलाई उपचारका लागि भारत लगिएको छ। दुईओटा हात्तीले उनीहरुमाथि आक्रमण गरेको प्रहरीले जनाएको छ।