आजबाट प्रजिअ भट्टलाई कार्यालयमा स्वागत
हेटौंडा । मकवानपुरमा प्रमुख जिल्ला अधिकारी (प्रजिअ) रुपमा सरुवा भई आउनु भएका नारायण भट्टलाई आजबाट कार्यकक्षमा स्वागत गरिएको छ । सोमबार कार्यालयमा एक कार्यक्रमको आयोजना गरेर कर्मचारीहरुले प्रजिअ भट्टलाई स्वागत गरेको हो ।
गृह मन्त्रालयले अघिल्लो साता मकवानपुरका प्रमुख जिल्ला अधिकारी प्रेमराज जोशी सहित छ जिल्लाको प्रमुख जिल्ला अधिकारीलाई सरुवा गर्ने क्रममा मकवानपुरमा सरुवा हुनुभएका भट्ट आज कार्यालयमा हाजिर हुनुभएको हो । मकवानपुरमा तीन महिना अघी पठाएको प्रमुख जिल्ला अधिकारी प्रेमराज जोसीको चितवन महाँनगरपालिकाको प्रमुख प्रशासकिय अधिकृतका रुपमा सरुवा भएपछि भट्ट मकवानपुर आउनुभएको हो । सरुवा भएर आउनुभएका प्रजिअ भट्टले जिल्लामा रहेका समस्याहरुको समाधान गर्ने बताउनुभएको छ ।
