आर्सनल र क्रिस्टल प्यालेस २-२ गोलको बराबरीमा
काठमाडौँ । गएराति भएको रोमाञ्चक प्रिमियर लिगमा आर्सनलले दुई गोलको अग्रता जोगाउन नसक्दा आर्सनलले क्रिस्टल प्यालेससँग दुईदुई गोलको बराबरी खेल खेलेको छ ।
आर्सनलले पहिलो हाफमा नै दुई गोलको अग्रता बनाएको थियो ।
आर्सनलको घरेलु मैदानमा भएको खेलमा सोक्राटिस र डेभिड लुइजले गोल गरेका थिए ।
क्रिस्टल प्यालेसका लागि खेलको ३२ औं मिनेटमा लुका मिलिभोजेभिकले एक गोल फर्काए । खेलको ५२ औं मिनेटमा जोर्डन आयुले क्रिष्टलका लागि बराबरी गोल फर्काए ।
आर्सनलले १० खेलबाट १६ अंक जोडेको छ भने उ लिगको पाँचौं स्थानमा छ । १५ अंक जोडेको क्रिष्टल छैटौं स्थानमा छ । यसअघिको खेलमा आर्सनललाई सिफिल्ड युनाइटेडले पराजित गरेको थियो ।
