दीप श्रेष्ठको स्वरमा रहेको ‘छोरी’को म्युजिक भिडियो सार्वजनिक
काठमाडौं । चर्चित रियालिटी सो ‘द भ्वाइस अफ नेपाल’ का मुख्य कोच, वरिष्ठ गायक दीप श्रेष्ठको स्वरमा रहेको मर्मस्पर्शी गीत ‘छोरी’को म्युजिक भिडियो सार्वजनिक भएको छ । मिलन रेग्मीको शब्द र उमेश रेग्मीको संगीत रहेको गीतको म्युजिक भिडियोमा क्याप्टेन विजय लामा देखिएका छन् ।
गीतको भिडियोमा क्याप्नेट लामाको साथको नायिका बेनिशा हमाल र महिशा पुन थापाले फिचर्ड गरेका छन् । भिडियोमा उत्सव दाहालको क्यामेरा, बिकाश दाहालको सम्पादन र युवराज वाईबाको निर्देशन रहेको छ ।
भिडियोलाई गोत्र इन्टरटेण्टमेन्टले बजारमा ल्याएको हो ।
