आजदेखि सागको बन्द प्रशिक्षण शुरु
काठमाडौं। १३ औं दक्षिण एशियाली खेलकुद साग लक्षित बन्द प्रशिक्षण आजदेखि शुरु हुँदैछ ।
मंसिर १५ देखि २४ गतेसम्म काठमाडौं, ललितपुर र पोखरामा आयोजना हुन लागेको साग खेलका लागि आठौं राष्ट्रिय खेलकुदबाट छनोट भएका खेलाडीहरुलाई बन्द प्रशिक्षणमा बोलाइएको हो ।
बन्द प्रशिक्षणका लागि अहिले नै खेलाडीको एकिन तथ्याङ्क आईनसक्ने तर मोटामोटी १ हजार देखि १५ सय जना खेलाडी प्रशिक्षणमा हुने बताईएको छ ।
