पीडित परिवारलाई तरूण दलकाे राहत
हेटौंडा । वर्षाको पीडामा रहेका मकवानपुरगढी गाउँपालिका वडा नम्बर १ का बाढी पहिरो पीडित परिवारलाई चामल र त्रिपाल बाँडिएको छ । नेपाल तरुण दल मकवानपुरगढी गाउँपालिका समितिले पहिरोका कारण घर भत्किनुका साथै अन्नपात पुरिएका पीडित परिवारलाई अस्थायी बसोबासको लागि त्रिपाल र खाद्यान्न सहयोग गरिएको जनाइएको छ ।
तरुण दलले मकवानपुरगढी १ का रानीसेरा, जरायोटार, पराजुली डाँडा, आँपटार, अन्नपानी,डाँडागाउँ, लो डाँडालगायतको स्थानका ३५ घरधुरीलाई प्रति परिवार एकबोरा चामल र त्रिपाल सहयोग गरेको हो । तरुण दल मकवानपुरगढी गाउँपालिका अध्यक्ष सानुकान्छा थिङको अध्यक्षतामा भएको कार्यक्रममा तरुण दल मकवानपुरका सचिव सचित थापाको प्रमुख आतिथ्यता थियो ।
