ट्रिपरले ठक्कर दिँदा एक जनाकाे मृत्यू
भक्तपुर । थिमि नगरपालिका- ४ राधेराधे चोकमा सोमबार एउटा ट्रिपरले मोटरसाइकललाई ठक्कर दिँदा एक जनाकाे मृत्यु भएको छ ।
मृत्यु हुनेमा मोटरसाइकल चालक सोलुखुम्बु पञ्चन- ९ घर भएका २८ वर्षीय फ्रेमबहादुर राई रहेको महानगरीय प्रहरी परिसर भक्तपुरका प्रहरी नायब उपरीक्षक रेवतीरमण पोखरेलले बताए।
काठमाडाौबाट भक्तपुर आउँदै गरेको बा ५ ख ५३४३ नम्बरको ट्रिपरले त्यही दिशातर्फ आउँदै गरेको प्रदेश ३-०२-००६ प ४९९४ नम्बरको मोटरसाइकललाई ठक्कर दिँदा घाइते चालक राईको मध्यपुर अस्पतालमा मृत्यु भएको उनले जानकारी दिए।
दुवै सवारी साधन महानगरीय प्रहरी वृत्त थिमीको नियन्त्रणमा राखिएको छ। फरार ट्रिपर चालकको खोजी भइरहेको उनले जानकारी दिए।
सांकेतिक तश्विर
