मकवानपुरका थिङ गैँडाको खाग सहित पक्राउ
काठमाडौं । महानगरीय प्रहरी परिसरको टोलीले गैंडाको खागसहित तीन जनालाई बुधबार पक्राउ गरेको छ ।
गोरखा चुमनुब्री गाउँपालिका ३ का लालबहादुर गुरुङ, मकवानपुर गढी गाउँपालिका २ का अष्टबहादर थिङ र धादिङ महादेववेसी थाक्रे गाउँपालिका ११ का गोविन्द मोक्तानलाई काठमाडौंबाट पक्राउ गरेको प्रहरीले जनाएको छ ।
परिसर प्रवक्ता प्रहरी नायब उपरीक्षक होबिन्द्र बोगटीका अनुसार ढल्कुस्थित लालबहादुरको कोठामा खोजतलास गर्दा खागसहित उनीहरुलाई पक्राउ गरिएको हो । ५५ लाख रुपैयाँमा बिक्री वितरण हुन लागिरहेको सूचनाका आधारमा प्रहरीले कोठामा तलासी लिएको थिया े।
लालबहादुरको कोठाबाट सेतो सिसाको पत्थरजस्तो देखिने चिज एक थान पनि बरामद भएको बोगटीले बताए । पक्राउ परेका तिनै जनालाई महानगरीय प्रहरी बृत्त लैनचौरमा राखी अनुसन्धान थालिएको प्रहरीले जनाएको छ ।
