प्रिती राईसहित २१ जना खेलाडी सशस्त्र प्रहरीमा भर्ती
काठमाडौं । १० जना महिला फूटबल खेलाडीसहित २१ जना खेलाडि सशस्त्र प्रहरी बलमा भर्ती भएका छन् ।
राष्ट्रिय महिला फुटबल टोलीका स्टार प्रिती राई, सविता रानामगर र रश्मीकुमारी घिसिङसँगै विभिन्न खेलका २१ जना राष्ट्रिय खेलाडी सशस्त्र प्रहरी बलमा भर्ति भएका हुन् । उनीहरु यसअघि सबै करारमा थिए ।
प्रिती, रश्मी र सवितासँगै मेनुका कुमारी आलेमगर, सरस्वती हमाल, सजनी ठोकर, मनमाया दमै, सावित्री किसन र शारदा श्रेष्ठ टोलीमा रहेका छन् । पुरुष फुटबलतर्फ समिराज ठोकर भर्ती भएका छन् । उनले यसअघि जावलाखेलबाट ए डिभिजन खेलेका थिए ।
भलिबल खेलाडीद्वय रोमा महतो र सरोज वर्देवा, उसुका प्रेम कुमारी आले, अन्जली लुङ्गेली, तेक्वान्दोतर्फ सन्जना घर्तीमगर र अन्जली कुमारी साउद छन्।
करातेका सञ्जु देसार, महिला क्रिकेटकी रेवती धामी, कबड्डीकी कलावती बिष्ट र एथलेटिक्सकी आड्मा बिक पनि भर्ती भएका छन्
