हेटौँडाको रानी वन समूहमा निर्वाचन जारी

हेटौंडा।  मकवानपुरको हेटौंडा उपमहानगर ६ चौघडामा रहेको रानी सामुदायिक वन उपभोक्ता समूहको नयाँ नेतृत्व चयनका लागि मतदान जारी छ।

बिहान ८ बजे बाट सुरु भएको मतदान अपरान्ह ३ बजेसम्मलाई तोकिएको निर्वाचन संयोजक अर्जुन प्रसाद चौलागाईंले बताएका छन्।

नगरमा प्रतिष्ठित चिनारी पाएको रानी वनको १ हजार ६ सय बढी मतदाताले मतदान गर्ने जनाइएको छ।

मतदान कार्य सक्किएपछि आजै साँझबाट मतगणना हुने संयोजक चौलागाईले बताएका छन्। नयाँ नेतृत्व चयनका लागि नानिमाया रुम्बा र केशब प्रसाद धितालको प्यानल चुनावी मैदानमा रहेका छन्।