गणेश पाण्डे बने प्रेस चौतारीको अध्यक्ष
काठमाडौं । नेकपा एमालेनिकट पत्रकारहरुको संगठन प्रेस चौतारी नेपालको अध्यक्षमा गणेश पाण्डेको नाम सर्वसम्मत घोषणा गरिएको छ ।
निर्वाचनबाट नेतृत्व चयन हुनुपर्ने राजेश राईको मागको वेवास्ता गर्दै पाण्डेको नाम महाधिवेशन हलमा सर्वसम्मत भएको घोषणा गरिएको हो ।
निवर्तमान अध्यक्ष गणेश बस्नेतले अध्यक्षमा गणेश पाण्डे, उपाध्यक्ष चेतन अधिकारी, कृपा भण्डारी र महासचिव हिरामान लामाको नाम घोषणा गरे ।
त्यस्तै उपमहासचिवमा हरिबल्लभ नेपाल तथा सचिवहरु बिष्णु तारुके, प्रदिप आचार्य, विक्रम लुईटेल र नरेश भण्डारी चयन भएका छन् ।
प्रेस चौतारीमा चुनावी प्रक्रियाबाट नेतृत्व चयन नगरिएको भन्दै एउटा पक्ष भने असन्तुष्ट बनेको छ ।
