मकवानपुरको राक्सिराङ्गमा एसईई परिक्षामा १३ जना अनुपस्थित

हेटौंडा । एसईई परीक्षा २०८१ को पहिलो दिन अंग्रेजी विषयको परिक्षामा १३ जना परिक्षार्थी अनुपस्थित भएकाछन्।

अनुपस्थित हुनेमा नियमित तर्फ ६ जना र ग्रेड वृद्धि तर्फ ७ जना बिधार्थी रहेको शिक्षा, युवा तथा खेलकुद शाखा प्रमुख पंकस थारुले जानकारी दिनुभयो । साथै पहिलो दिनको परीक्षा शान्त र सौहार्दपुर्ण वातावरणमा सम्पन्न भएको समेत जानकारी दिनुभयो ।

पहिलो दिनको परीक्षा चल्दै गर्दा शिक्षा बिकास समन्वय ईकाई हेटौंडाका प्रमुख सुदिप गिरिको नेतृत्वबाट अनुगमन गरिएकोछ । नियमित तर्फ १३९ जनामा १३३ जना उपस्थित भएकाछन्। त्यस्तै गरि ग्रेड वृद्धि अन्तर्गत अंग्रेजी विषयको परिक्षामा २८ जना उपस्थित भए भने ७ जना अनुपस्थित रहेकोछ ।

पालिका भित्रका ६ वटा बिधालय मध्ये ५ वटा बिधालयका नियमित र ग्रेड वृद्धि गरि २५० जना बिधार्थीहरुले यस बर्षको एसईई परीक्षामा सहभागीता जनाईदैछ। राक्सिराङ्ग गाउँपालिकाका सुर्योदय माबि पलासे, कालिका माबि अठारे, कालिका मा बि राक्सिराङ्ग, देबिटार माबि राक्सिराङ्ग ८ र राष्ट्रिय माबि सिलिङ्गेका बिधार्थी सहभागी भएकाछन् । त्यस्तै गरि परीक्षा केन्द्र तोकिएको कारण प्रजा जागृती माबि चैनपुरका २९ जना बिद्यार्थीले मनहरी ७ मा अवस्थित राष्ट्रिय रोटरी माबि केन्द्रबाट परीक्षा दिएकाछन्।