स्वबियु निर्वाचन : मकवानपुर क्याम्पसमा अखिलका प्रसिद्ध रेग्मी विजयी

हेटौँडा । स्वतन्त्र विद्यार्थी युनियन (स्ववियु) निर्वाचनमा मकवानपुरको सबैभन्दा ठूलो क्याम्पस मकवानपुर बहुमुखी क्याम्पसमा अनेरास्ववियुका प्रसिद्ध रेग्मी विजयी भएका छन् ।
नेविसंघ र अनेरास्ववियुको संयुक्त प्यानलबाट रेग्मी ७०६ मत सहित विजयी भएका हुन । उनका प्रतिस्पर्धी अनेरास्ववियु (क्रान्तिकारी)का छोइसाङ लामाले ५०७ मत ल्याएर पराजित भए । उनी यस अघिका सभापती समेत हुन् ।
सचिवमा नेविसंघका उत्सव ढुंगाना ७११ मत सहित विजयी बन्दा उनका अखिल क्रान्तिकारीका दिपेश कार्किले ५४४ मत प्राप्त गरे । कोषाध्यक्षमा अनेरास्ववियुका निर्दोष लुइटेल ७०४ मत सहित विजयी हुँदा उनका प्रतिस्पर्धी राप्रविसका अमन रायले ५४४ मत प्राप्त गरे ।
त्यस्तै सदस्यहरुमा मनोज घलान (७८९), उमेश चौधरी(७२५), दिवस चापागाई(७३४), साजिर अन्सारी(६७३), कृष्ण थिङ्ग(६३८), मन्दिप थापा(६३३), विवश अर्याल(६१६) र अतित अधिकारी(६२०) निर्वाचित भएका छन् ।