प्रचण्डको फोटो जलाउने बम छुटे
काठमाडौँ । पूर्वप्रधानमन्त्री पुष्पकमल दाहाल ‘प्रचण्ड’को तस्बिर जलाएको आरोपमा पक्राउ परेका राप्रपा नेता निराजन बम रिहा भएका छन् ।
चितवनबाट आइतबार पक्राउ परेका बमलाई जिल्ला प्रहरी कार्यालय मकवानपुर ल्याइएको थियो ।
बमलाई छुटाउन माओबादी केन्द्र मकवानपुरका नेताहरू जिल्ला प्रहरी कार्यालय मकवानपुर पुगेका थिए ।
आइतबार साँझ प्रहरीले रिहा गरेका बमलाई रिहाइलगत्तै हेटौँडा-२ स्थित राप्रपा कार्यालयमा स्वागत समेत गरिएको छ ।
