राप्ती खोलामा डुबेर हेटौंडाका एक युवकको मृत्यु
हेटौंडा । हेटौंडा-१ स्थित राप्ती खोलामा डुबेर हेटौंडा ५ पिप्लेका एक युवकको मृत्यु भएको छ ।
आइतबार दिउँसो २ जना साथीहरुसंग पौडी खेल्न राप्ती खोलामा पुगेका हेटौंडा-५ बस्ने अन्दाजी १७ वर्षीय युवकको मृत्यु भएको हो । उनको परिचय खुलेको छैन । उनी आफ्ना २ जना साथीहरुसंग पौडी खेल्न त्यहाँ पुगेका थिए ।
बेहोस अवस्थामा उद्धार गरी उपचारको लागि हेटौंडा अस्पताल ल्याइएकोमा उपचारको क्रममा मृत्यु भएको मकवानपुर प्रहरी प्रवक्ता प्रहरी नायब उपरीक्षक श्यामु अर्यालले जनाएका छन् ।
घटनाको आवश्यक अनुसन्धान भइरहेको जनाइएको छ ।
