अन्तर्राष्ट्रिय महिला फुटबलको फाइनलमा नेपाल म्यानमारसँग स्तब्ध

काठमाडौं । नेपाली महिला फुटबल यसपटक पनि अभागी सावित हुँदै उपविजेतामै सीमित भएको छ । १३औं फाइनल खेलेको नेपाल फेरि पराजित भएको हो ।

त्रिपुरेश्वरस्थित दशरथ रंगशालामा भएको अन्तर्राष्ट्रिय महिला फुटबल प्रतियोगिताको फाइनल खेलमा नेपालले म्यानमारसँग २–० को हार बेहोरेर स्तब्ध बनेकाे छ । एक गाेल पनि गाेल गर्न नसक्दा नेपाल स्तब्ध बनेकाे हाे ।

१५ हजार भन्दा बढी दर्शकलाई दशरथ रंगशालामा स्तब्ध बनाउँदै म्यानमार च्याम्पियन बन्यो। दोस्रो हाफमा दुई मिनेट भित्र दुई गोल गर्दै म्यानमारले नेपाललाई चौथो पटक हरायो। म्यानमारको लागि यु पेर खिने र विन थेङ्गी तुनले गोल गरे। म्यानमारले अपराजित रहँदै उपाधि जित्यो ।

नेपालले धेरै पटक गोल गर्ने अवसर पाए पनि गोल निकाल्न सकेन । फिनिसिङमा चुक्दा नेपालले कुनै पनि गोल गर्न सकेन । पछिल्लो एक वर्षमा नेपाल तेस्रो पटक फाइनलमा असफल भएको छ ।