डिफेन्डिङ च्याम्पियन मछिन्द्र बागमती गाेल्डकपकाे फाईनलमा प्रबेश

निरन्तर न्यूज
११ फाल्गुन २०८१, आईतवार २२:११

हेटाैँडा । मछिन्द्र क्लब मकवानपुरको बागमती गाउँपालिकामा जारी सातौं संस्करणको बागमती गोल्डकप राष्ट्रिय फुटबल प्रतियोगिताको फाइनलमा प्रवेश गरेको छ । शनिबार बागमती-४ स्थित सहिद स्मृति रंगशालामा भएको दोस्रो सेमिफाइनल खेलमा थ्री स्टार क्लबलाई ३-१ गोलले हराउँदै डिफेन्डिङ च्याम्पियन मछिन्द्र फाइनलमा प्रवेश गरेको हो । मछिन्द्रले फाईनलमा स्थान सुरक्षित मात्रै गरेन आहा रारा गोल्ड कपमा थ्री स्टारसङ्गको हारको बदला समेत लिएकोछ ।

मछिन्द्रको जीतमा शिशिर लेकिले खेलको ४२ औं मिनेटमा, समिराज थोकरले दोस्रो हाफको छैठौं मिनेटमा र विदेशी खेलाडीले स्टेफेनले दोस्रो हाफको ४३ औं मिनेटमा गोल गरे ।

थ्री स्टारका लागि विदेशी खेलाडी एलेक्स विलियम्सले खेलको पहिलो हाफको ३७ औं मिनेटमा सुरुवाती अग्रता बनाएपनी खेलको टिमलाई हारबाट जोगाउन भने सकेनन् । खेलको म्यान अफ द म्याच मछिन्द्रका देवेन्द्र तामाङ घोषित भए । उनले १० हजार रुपैयाँ प्राप्त गरे । चौथो संस्करणको विजेता थ्री स्टार प्रतियोगिताबाट बाहिरिएको छ ।

विजेता टोलिले उपाधीका लागि सोमबार चर्च र्ब्वाइज युनाइटेडसँग प्रतिस्पर्धा गर्नेछ । यसअघि शुक्रबार भएको पहिलो सेमिफाइनल खेलमा विभागीय टोलि एपीएफलाई ३-२ गोलले हराउँदै चर्च ब्वाइज प्रतियोगिताको फाइनलमा प्रवेश गरिसकेको छ । अब मछिन्द्रले उपाधीका लागि सोमबार चर्च ब्वाइजसँग खेल्नेछ । शुक्रबार भएको पहिलो सेमिफाइनलमा एपीएफलाई हराउँदै चर्च ब्वाइज फाइनलमा प्रवेश गरिसकेको छ ।

उपाधि विजेताले १० लाख र उपविजेताले ५ लाख प्राप्त गर्नेछन् । यस्तै प्रतियोगिताको सर्वोत्कृट खेलाडीलाई १ लाख १ हजार तथा विधागत उत्कृष्ट खेलाडीलाई जनही २५-२५ हजार रुपैयाँ प्रदान गरिने जनाएको छ ।

प्रतिक्रिया दिनुहोस

  • प्रतिक्रियाहरु