हेटाैँडाकाे एन्टारटिक बिस्कुटका १०२ श्रमिकलाई नियमित गराउने सहमति

हेटौँडा । हेटौंडा औद्योगिक क्षेत्रभित्र रहेको एन्टारटिक बिस्कुट प्रा.लि.का निष्काशित श्रमिक र उद्योग प्रशासन बीच वार्ता भएको छ ।
श्रम कार्यालय हेटौंडामा बिहिबार भएको वार्तामा निष्काशन गरिएका ९६ जना श्रमिकलाई रोजगार पत्र दिने सम्झौता भएको छ ।

साथै थप ६ जनालाई समेत नियमित रोजगार प्रदान गर्ने गरी १ सय २ जनालाई श्रमिकलाई नियमित गराउने सहमति भएको समग्र उद्योग ट्रेड युनियन नेपाल, मकवानपुरका अध्यक्ष केशव प्रसाद अधिकारीले बताए ।

परिक्षण अबधि सकीएका श्रमिकलाई श्रम ऐन बमोजिम स्थायी नियुक्ती गर्ने सहमती गरेको उद्योगले आफ्नै लिखीत प्रतिबद्धता विपरीत निष्काशन गरेपछि श्रमिकहरु आन्दोलित भएका थिए । उद्योगमा हाल ४ सय भन्दा कर्मचारीहरु कार्यरत छन् ।