वाणिज्यतर्फ उपाध्यक्षमा राजु अधिकारी विजयी
हेटौंडा । मकवानपुर उद्योग वाणिज्य संघको वाणिज्यतर्फ उपाध्यक्ष पदमा राजु अधिकारी विजयी भएका छन्। आइतबार सम्पन्न मतगणनाअनुसार अधिकारीले ५९९ मत प्राप्त गर्दै उपाध्यक्ष पदमा जित हासिल गरेका हुन्।
उनका प्रतिद्वन्द्वी रामप्रसाद न्यौपानेले ४८४ मत प्राप्त गरेका थिए। अधिकारीले तिवारीलाई ११५ मतान्तरले पराजित गरेका हुन्।
राजु अधिकारीले आफ्नो जित संघका सदस्यहरूको विश्वासको प्रतीक भएको भन्दै आगामी दिनमा व्यवसायीका समस्या समाधान गर्न र व्यापार प्रवर्द्धनमा सक्रिय भूमिका खेल्ने प्रतिबद्धता जनाएका छन्।
वाणिज्यतर्फ १,१५४ मत खसेकोमा अधिकारीको जितले संघको नयाँ नेतृत्वलाई थप बलियो बनाएको विश्लेषण गरिएको छ।
