मकवानपुर उद्याेग बाणिज्य संघ निर्वाचन : अनिल अग्रवालकाे प्यानल घाेषणा

निरन्तर न्यूज

२२ पुष २०८१, सोमबार २१:५०

हेटौंडा । मकवानपुर उद्योग वाणिजय संघको आसन्न निर्वाचनमा अध्यक्ष पदमा अनिल अग्रवालले आफ्नो प्यानल घोषणा गरेका छन् । संघका वरिष्ठ उपाध्यक्षसमेत रहेका अग्रवालले आज सोमबार साँझ व्यवसायीहरुको भेलामा आपफुसँगै सिंगो प्यानल समेत सार्वजनिक गरेका छन् ।

प्रत्येक पदमा प्रत्यक्ष निर्वाचन हुने गरी गरिएको विधान संशोधनसँगैको पहिलो पटकको निर्वाचन गर्मिलो रहेको छ । संघमा वाणिज्यतर्फ, उद्योगतर्फ र एशोसियटतर्फका उम्मेदवारहरु रहेका छन् । संघको यस वर्ष २ हजार ९७ जना मतदाता रहेका छन् । अघिल्लो निर्वाचनभन्दा करिब ८ सय मत यस वर्ष कम रहेको संघले जनाएको छ ।

अग्रवालले आफ्नो टिम घोषणा कार्यक्रममा चर्चित गायक बद्री पंगेनीले आफ्नो सांगीतिक प्रस्तुती दिएका थिए । कार्यक्रममा संघका पूर्व अध्यक्षद्धय राजकुमार न्यौपाने, भूवनलाल श्रेष्ठ उपस्थित थिए । अग्रवाल नेतृत्वको प्यानलबाट यी उम्मेदवारहरुले उम्मेदवारी घोषणा गरिएको छ ।

अध्यक्षः अनिल अग्रवाल
महासचिवः विकेशलाल श्रेष्ठ
कोषाध्यक्षः तेजराज अधिकारी
सह-कोषाध्यक्षः राधिका सामरी पाण्डे

वाणिज्यतर्फ
उपाध्यक्षः राजु अधिकारी
सचिवः दिवस पराजुली
सदस्यहरुः रविन ढकाल, विष्णुप्रसाद दाहाल, बालकृष्ण बजगाई, यज्ञ बहादुर राई र महिला आरक्षणमा निलम पाण्डे