आज एनपीएल फाइनलमा सुदूरपश्चिम र जनकपुर भिड्दै
काठमाडौं । नेपाली खेलकुदकै सबैभन्दा चर्चित प्रतियोगिताको रुपमा रहेको नेपाल प्रिमियर लिग (एनपीएल) उपाधिको लागि आज शनिबार सुदूरपश्चिम रोयल्स र जनकपुर बोल्ट्स भिड्दैछन् ।
खेल दिउँसो साढे १२ बजे सुरु हुनेछ । १२ अंकसहित सुदूरपश्चिम शीर्ष स्थानमा रहेको छ भने जनकपुरले समान खेल खेल्दा दुई हारसहित १० अंक जोडेको छ। फाइनल खेल कीर्तिपुरस्थित त्रिवि क्रिकेट मैदानमा हुनेछ ।
दीपेन्द्रसिंह ऐरीले कप्तानी गरिरहेको सुदूरपश्चिम जारी एनपीएलकै सबैभन्दा लयमा रहेको टिम हो । लिगमा जनकपुरको कप्तानी अनिल साहले गरेका थिए । अहिले चोटका कारण टिमको कप्तानी आसिफ सेखले गरिरहेका छन् ।
