कर्णालीलाई हराउँदै जनकपुरले तय गर्याे फाइनल यात्रा
काठमाडौं । कीर्तिपुरको टीयू मैदानमा नेपाल प्रिमियर लिग (एनपीएल) २०२४ को क्वालिफायर-२ खेलमा जनकपुर बोल्ट्सले कर्णाली याक्सलाई दुई विकेटले पराजित गर्दै फाइनलमा आफ्नो स्थान पक्का गर्यो ।
१ सय १९ रनको लक्ष्य जनकपुरले १९ ओभरमा ८ विकेटको क्षतिमा पूरा गर्यो । जनकपुरको जितमा मयन यादव र शेर मल्लको प्रदर्शन अन्तिममा महत्वपूर्ण रह्यो ।
मयनले १४ रन बनाए भने शेर १६ रनमा नटआउट रहँदै टोलीलाई विजयसम्म पुर्याए । शनिबार हुने फाइनल खेलमा जनकपुरले सुदूरपश्चिम रोयल्ससँग प्रतिस्पर्धा गर्नेछ ।
