एनपीएलको फाइनल प्रवेशका लागि जनकपुर र कर्णाली भिड्दै
काठमाडौं । नेपाल प्रिमियर लिग (एनपीएल) को क्वालिफायर टु मा आज कर्णाली याक्स र जनकपुर बोल्ट्सबीच प्रतिस्पर्धा हुँदैछ।
खेल कीर्तिपुरस्थित टीयू अन्तर्राष्ट्रिय क्रिकेट मैदानमा मध्यान्न १२ बजे सुरु हुनेछ । दुवै टिम उक्त खेलमा जित निकाल्दै फाइनलमा पुग्ने लक्ष्यका साथ मैदान उत्रिनेछ् ।
क्वालिफायर १ मा जनकपुर सुदूपश्चिम रोयल्ससँग पराजित भएको थियो भने इलिमनेटरमा चितवन राइनोजलाई पाखा लगाउँदै कर्णाली याक्स क्वालिफायर २ मा पुगेको हो । जनकपुरलाई पराजित गरेको सुदूरपश्चिम फाइलनमा पुगिसकेको छ । यता चितवन पनि कर्णालीसँग पराजित भएसँगै उपाधि होडबाट बाहिरिएको छ ।
जनकपुर र कर्णाली यसअघी समूह चरणमा आमनेसामने भइसकेका छन् । उक्त खेलमा जनकपुरले कर्णालीलाई २९ बल बाँकी छँदै ८ विकेटले पराजित गरेको थियो । त्यसैले कर्णालीविरुद्ध उच्च मनोबलका साथ जनकपुर मैदानमा उत्रने छ । कर्णाली भने जनकपुरसँग बदला लिँदै फाइनलमा पुग्ने लक्ष्यमा हुनेछ । इलिमिनेटरमा चितवनलाई हराएको कर्णाली पनि उत्साहित छ ।
