हेटौंडाबाट लोथर जाने क्रममा बसमै पाकेटमार्ने तीनजना पक्राउ
हेटौंडा । मनहरीमा बस चढेका व्यक्तिको ५१ हजार नगद चोरी गर्ने तीन जना पक्राउ परेका छन् । गएराती ११ बजेको समयमा मकवानपुर मनहरी गाउँपालिका वडा नंबर– ६ बस्ने ४९ वर्षिय भरत गौतम हेटौडाबाट ना ५ ख ८१०१ नंबरको बस चढि लोथर जाने क्रममा निजको साथमा रहेको नगद ५१ हजार पाकेट मारी चोरी गर्ने ३ जनालाई पक्राउ गरिएको जिल्ला प्रहरी कार्यालय मकवानपुरले जनाएको छ ।
चोरी भएको सुचना प्राप्त हुनसाथ तत्लाल इलाका प्रहरी कार्यालय मनहरी मकवानपुरबाट खटिएको प्रहरी टोलीले हुलियाको आधारमा खोजतलास गर्ने क्रममा सिन्धुपाल्चोक लिसंखु पाखर गाउँपालिका वडा नंबर ६ बस्ने ३२ वर्षिय लाक्पा तामाङ, जिल्ला उदयपुर त्रियुगा नगरपालिका वडा नंबर–१० बस्ने ४२ वर्षिय प्रेम दोर्जे शेर्पा र धनकुटा छथर गाउँपालिकावडा नंबर– ३ बस्ने ३७ वर्षिय हेमराज श्रेष्ठलाई शंका लागी खानतलासी गर्दा निजहरुको साथबाट चोरी भएको रकम फेला परेकोले पक्राउ गरिएको प्रहरीको भनाई छ ।
