‘वीर विक्रम २’ को प्रिमियर शो
काठमाडौँ । चलचित्र ‘वीर विक्रम २’ को बुधबार कुमारी हलमा प्रिमियर शो गरिएको छ ।
जेठ ३ शुक्रबारबाट प्रर्दशनमा आउन लागेको चलचित्र ‘वीर विक्रम २’ को प्रिमियर शोमा कलाकार तथा पत्रकारको उपस्थितिमा रहेकाे थियो ।
वुधबार सम्पन्न गरिएको प्रिमियर शो मा यस चलचित्रले निकै तारिफ बटुल्न सफल भएको छ । मिलन चाम्सको निर्माण तथा निर्देशन रहेको ‘वीर विक्रम २’ मा मुख्य कलाकारमा नायिका वर्षा शिवाकोटी, नायक पल शाह, नायक नाजिर हुसेन, कलाकार बुद्दि तामाङ देखा परेका छन् ।
मायाप्रेम, मित्रता र दुश्मनीको कथा समेटिएको यस चलचित्रमा २ साथी बिर र बिक्रमको मित्रता र विचमा आउने एक केटीको प्रवेशले फरक पार्ने सम्बन्धको कथा समावेश गरी बनाईएको छ ।
