मकवानपुरे साहित्यकार तुल्सी थापाकाे निधन
हेटौंडा । मकवानपुरे साहित्यकार तुल्सी थापाको निधन भटको छ । ७८ वर्षीय थापाको उपचारको क्रममा शुक्रवार बिहान भरतपुरमा रहेको पुरानो मेडिकल कलेजमा निधन भएको हो ।
निमोनिया र मुटु सम्बन्धी रोगबाट ग्रसित उनलाई उपचारको लागि भरतपुर लगिएको थियो।थापाको शुक्रबार बिहान निधन भएको पारिवारिक श्रोतले जनाएको छ ।नेपाली कविताको क्षेत्रमा ‘दाना कविता’ को सुरुवात गरेका थापाले दाना कविता संग्रह अन्तर्गत २०५८ सालामा “एक निमेष अनन्तको ” प्रकाशन गरेका थिए । कवितासँगै नाटक तथा कथा विधामा समेत राम्रो दख्खल राख्ने थापाको “अमरसिंहको खोजिमा” नाटक संग्रह निकै चर्चित नाटक संग्रह हो।
उक्त नाटक देशभरका नाटकघरमा मञ्चन भैसकेको छ । यस बाहेक उनले २०७२ सालमा “फरक आकाश” कथा संग्रह समेत प्रकाशित गरेका थिए । थापा वि स २०४४ सालमा गोरखा दक्षिण बाहु चौथोबाट सम्मानित भएका थिए।
