७२ हजार रुपैयाँ घूस लिएको आरोपमा सबइन्जिनीयर पक्राउ
काठमाडौं । अख्तियार दुरुपयोग अनुसन्धान आयोगले ७२ हजार रुपैयाँ घूस लिएको आरोपमा बूढानीलकण्ठ नगरपालिकाका सबइन्जिनीयर विनोदकुमार पौडेललाई पक्राउ गरेको छ ।
सबइन्जिनीयर पौडेलले सडक निर्माणको ठेक्का सम्झौताबमोजिम कार्य सम्पन्न भई भुक्तानी दिने क्रममा सेवाग्राहीसँग घूस मागेको सूचनाका आधारमा बुढानिलकण्ठस्थित एक होटलबाट उनलाई आज पक्राउ गरिएको आयोगका प्रवक्ता नारायणप्रसाद रिमालले जानकारी दिए ।
उनीमाथि थप अनुसन्धान भइरहेको आयोगले जनाएको छ ।
