हेटौंडाकाे नेवारपानीमा दुर्घटनाहुँदा सुरेन्द्रकाे ज्यान गयाे
हेटौँडा । पूर्वपश्चिम राजमार्ग अन्तर्गत हेटौंडा १९ नेवारपानीमा सोमबार राति भएको सवारी दुर्घटनामा एकजनाको ज्यान गएको छ ।
मृत्यु हुनेमा हेटौंडा–१ का ३० बर्षीय सुरेन्द्र आलेमगर रहेकाे प्रहरीले जनाएको छ । दुर्घटनामा मनहरी गाउँपालिका वडा नम्बर ५ का सुरेश स्यांतान घाइते भएका छन् । मनहरीबाट हेटौँडातर्फ आउँदै गरेको ना४ख ७४३७ नम्बरको ट्रक र विपरित दिशाबाट जाँदै गरेको ना५१प २१८ नम्बरको मोटरसाइकल सोमबार राति एक आपसमा ठक्कर लागेकाे थियो ।
दुर्घटना हुँदा मोटरसाइकलमा सवार घाइते आलेमगरको उपचारका क्रममा चितवनको पुरानो मेडिकल कलेजमा मृत्यु भएको जिल्ला प्रहरी कार्यालय मकवानपुरका एसपी मुकेश सिहले जानकारी दिए । घाइते स्याङतानकाे चितवनमा उपचार भईरहेको छ । प्रहरीले ट्रक र चालक नियन्त्रणमा लिएको छ ।
