आज सफला एकादशी : आज व्रत गर्दा के-के हुन्छ ?
हेटाैँडा । आज पौष महिनाको कृष्णपक्षको एकादशी । यसलाई सफला एकादशी पनि भनिन्छ । एकादशीको व्रत गर्नाले कार्यक्षमतामा अभिवृद्धि हुन्छ । साथै मानसिक सामर्थ्य र शक्ति बढ्ने,आयु वृद्धि र आत्मिक उन्नति पनि हुने पद्म पुराणमा उल्लेख गरिएको छ । आजकाे दिन भगवान नारायणको विधिपूर्वक पूजा तथा आराधना गरिन्छ । सफला एकादशी व्रतको फल ठूला यज्ञ तथा महायज्ञ भन्दा धेरै हुने धार्मिक तथा शास्त्रीय विश्वास छ । पद्य पुराणअनुसार सफला एकादशीको अनुकम्पा सयौँ महायज्ञ भन्दा धेरै हुन्छ । सफला एकादशीको व्रत लिँदा पापबाट मुक्त हुने र कल्याण मिल्ने मान्यता छ । सफला एकादशीको दिन भगवान विष्णुको भक्तिभावका साथ पूजा गरिन्छ...