दसैँ विश्वका सम्पूर्ण हिन्दूहरूको महान् चाड । पारिवारिक मिलनको अपूर्व महोत्सव । दीनदुःखीदेखि लिएर धनधान्यले भरिपूर्ण भएकाहरू सबैको समान भावनाको पर्व । यो हज्जारौं–हजार वर्षदेखि मनाइएको तथ्य हाम्रा हिन्दू धर्मका ग्रन्थ र संहिताहरूले बताएका छन् । दसैँलाई अन्यायविरुद्ध न्यायको, दुराचारविरुद्ध सदाचारको, पापमाथि धर्मको, दुष्कर्ममाथि सत्कर्मको र अज्ञानमाथि ज्ञानको पर्वको रूपमा लिइन्छ । यो सनातनदेखि चलिरहेको पार्विक अनुष्ठान हो यद्यपि यसमा समय–समयमा अनेक उतार–चढावहरू नआएका भने होइनन् । दसैँका पृथक्पृथक् किम्वदन्तीहरू, कथाहरू, उपकथाहरू, सूत्रहरू र पहेलीहरू हज्जारौं वर्षदेखि चलायमन छन् । जे भए पनि यो नेपाली संस्कृतिको परिचायक तथा महान् पर्व हो । पर्वहरूको राजा हो । त्यसैले मानिसले दसैँलाई...