हेटौँडा । मकवानपुरका साहित्यकार ऋषि केबीको नवौँ साहित्यिक कृति अभिमन्यु नयाँ भूमिकामा बुधबार सार्वजनिक भएको छ । मकवानपुरका जिल्ला अदालतका मुख्य न्यायाधीश डिल्लीरत्न श्रेष्ठको प्रमुख आतिथ्यतामा भएको कार्यक्रममा प्रकाशित कृतिबारे कवि पुरुषोत्तम आचार्यले बोल्नु भएको थियो । पुण्यशीला श्रेष्ठको अध्यक्षतामा भएको कार्यक्रममा साहित्य संगम मकवानपुरकी अध्यक्ष अनिता न्यौपाने, झरना साहित्य परिवारका अध्यक्ष दीपक गौतम, पत्रकार रामकुमार एलनलगायतले बोल्नु भएको थियो । कार्यक्रममा कबि ऋषि केबीले आफ्नो लेखन यात्राबारे बोल्नु भएको थियो भने कविता पनि सुनाउनु भएको थियो ।